O galego Nico Casal, Óscar á mellor banda sonora por unha curtametraxe

Nesta noite de Óscars Galicia tamén estivo presente. 'Stutterer', con música do santiagués Nico Casal, gañou o Óscar á mellor banda sonora. A curtometraxe dirixida por Benjamin Cleary é unha historia sobre un solitario tatexo que tras varios meses comunicándose, a través de Internet cunha moza, enfróntase ao dilema de coñecela. O pianista Nico Casal asumiu o reto de compoñer a banda sonora desta curta coma un reto. Mesturou sons electrónicos do teléfono e Facebook con melodías de piano e cordas.

Casal, ao que vemos aquí na última entrevista concedida este decembro ao espazo da Galega Zig Zag, é un santiagués que se formou en Vigo. Puxo por primeira vez a banda sonora a unha curtametraxe aos 18 anos e entendeu xa daquela que ese era o seu camiño. De aí que no 2011 se mudase a Londres, onde agora vive, para seguir cos seus estudos. O esforzo valeu a pena e esta noite, vestido cun traxe da sinatura pontevedresa Florentino, unha composición súa conseguiu o seu primeiro Óscar.

http://www.crtvg.es/informativos/o-galego-nico-casal-scar-a-mellor-banda-sonora-por-unha-curtametraxe-1855052